Nanigas na ang katawan ko sa kinatatayuan na parang itinanim ang aking mga paa sa lugar. Hindi likas sa akin ang matakot pero sa pagkakataong ito ay hindi ko mapigilan ang sarili kong makaramdam noon. Baka mamaya ay maniwala si Leon sa kanila tapos maisipan na tuluyan na akong ibenta sa black market sa pag-aakalang magnanakaw ako. Hindi niya na ako pabalikin sa mansiyon. Sayang naman ang pagkakataong ibinigay niya sa akin kapag nangyari iyon. Sa totoo lang, kung ako ang masusunod ay ayoko ng humaba pa ang usaping iyon, pero kung hindi ko naman sasabihin sa kanila kung ano ang totoong nangyari ay paniguradong ako ang patuloy na madidiin sa sitwasyon. Nahahati ang magiging desisyon ko sa buhay ngayon.
Narito na lang din naman ako, bakit hindi ko na lang sabihin ang natatandaan ko?
Tama. I
