Kaagad akong napabalikwas ng bangon pagkadilat pa lang ng aking mga mata. Nagmamadali kong tinanggal ang kumot na nakabalot sa aking katawan. Hindi ko mapigilang mapakunot ang aking noo ng makitang hindi pamilyar sa aking paningin ang silid na kinaroroonan ko. Iinot-inot akong bumangon at matapos na maupo sa gilid ng kama at magnilay ng ilang segundo ay matamang iginala ko na ang mga mata sa kabuohan ng silid. Marangya iyon kahit na mabibilang sa daliri ng aking mga kamay ang mga gamit na nasa loob. Hindi ko malaman kung silid ba iyon ng lalake o ng babae. Ang tanging alam ko ay hindi lang basta pipitsuging silid ito. Saka ko lang napagtanto kung nasaan ako.
Oo nga pala, narito na ako ngayon sa mansion ni Leon upang magsilbi at maging personal niyang katulong.
Nagmamadali ang aking mga
