Parang ipo-ipo ang naging kilos ko nang pagdilat ng aking mga mata ay halos maliwanag na. Agad akong napabalikwas ng bangon. Kinuha ang towel at nagmamadali ng tinungo ang banyo. Tanda ko namang nag-set ako ng alarm, pero ‘di ko alam kung bakit hindi ako nagising eh malakas naman ang tunog noon. Kung kaya naman heto at madaling-madali ako sa pag-aasikaso ng sarili. Kung pwede nga lang hindi maligo, baka pinili kong hindi maligo. Kaso nakakahiya. Baka umamoy ako. Isipin pa ng aamoy na pabaya ako sa katawan.
“Ang bobo mo kasi Charlie, maaga ka namang nakatapos ng project hindi ka agad natulog!” mahinang kastigo ko sa sarili habang naliligo. “Sige, stalk pa more. Ayan tuloy napuyat ka!”
Iyong paliligo ko ng kulang-kulang isang oras, naging halos parang limang minuto lang. Ni hindi ko na ng
