Gusto ko pa sanang banggitin kay Henley na birthday ko ngayong araw, kaso ay huwag na. Sa pagkakatanda ko noon ay nasabi ko na rin naman iyon sa kanya. Ewan ko lang kung naaalala niya pa. Pero parang nakalimutan niya rin dahil kung hindi, knowing him ay may regalo na sana siya sa akin. Sasarilinin ko na lang iyon. Lilipas din naman ang araw na ito kahit na walang makaalala na birthday ko pala ngayon. Di ba? At saka kaya ko pinili na mag-volunteer ay para na rin malibang ako sa araw na ito. Hindi ko ito maisip. Pwede ko namang sabihin iyon kina Penny at sa mga maid para kami ang mag-celebrate, kaso ay huwag na. Baka isipin ay nagpapa-importante pa ako.
Hindi nagtagal ay narating na ng bus namin ang Pasig Dome. Marami ng mga tao doong nakapila. Excited at nakahanay kaming bumaba na ng bus.
