NAPAPAHIKAB ako habang nakatingin sa pinto ng convenience store namin. Paisa-isa na naman pumapasok ang mga customer. Kaya lalong nakaka-antok.
“Isa, hindi ka ba mag-a-ask kay manager na huwag na muna pumasok ng three months para sa intern mo? Huy, Isa, puyatan ka na next month, baka magkasakit ka.”
Napatingin ako kay Gigi na bakas sa mukha ang pag-aalala. "Um, hindi pa, e. Sa susunod na lang siguro kapag malapit na ang pasok namin.” Inaayos ko ang coffee sachet dito. Saka ako napaharap sa kanya.“Payagan kaya niya akong umabsent ng three months? O, baka tanggalin na niya ako?” Iyon ang inaalala ko.
Baka hindi ako payagan ng mag-leave ng three months at baka i-suggest niyang mag-resign na lamang ako.
Pero, paano ang pandagdag kita ko para sa pag-aaral ko?
“Hmm... Siguro naman maiinti
