KINABAHAN na naman ako hanggang tumigil kami sa office room ni Master Kaiju. Si Chef Rainer na ang kumatok para sa akin.
“Bossing, si Rainer ito!” Malakas niyang sabi sa may intercom. Mayro'n din pa lang ganito rito.
Nakita ko ang mukha ni Master Kaiju sa maliit na screen na mayro'n doon. “Rainer, nasa mansion na ba si Isa? Natutulog na ba siya?”
Nagulat ako nang marinig ko iyon. Tama nga si Chef Rainer nag-aalala lang siya sa akin.
Nakita kong nakatingin sa akin si Chef Rainer. “Yes, bossing. Actually, nasa tabi ko siya at gusto ka niyang makita...” Hindi pa tapos ang sinasabi ni Chef Rainer nang marinig naming nag-click ang pinto, namatay na rin ang intercom.
“See? Gusto ka talagang makita ni bossing, Miss Isa. Pasok ka na, maghihintay na lamang ako rito kasama ang dalawa. Sana
