"Ate?" tawag ko sa panganay kong kapatid na babae. Anong ginagawa niya rito sa...
Teka, nasaan ba ako?
Iginala ko ang nanlalabo ko pa ring mga mata sa paligid ko. Naririto ako sa bahay na pinatitirahan ni Samuel sa pamilya ko.
"Anong nangyari, Ate?" naguguluhang tanong ko sa kanya. Sinubukan kong bumangon at agad naman niya akong inalalayan.
"Hinatid ka kanina ni Attorney dito, Darcy. Wala kang malay kaya sobrang pinakaba mo kami. Ako nga dapat ang nagtatanong sa'yo kung ano ang nangyari at hindi ikaw. Wala ka namang sugat sa buong katawan noong nilinis ka namin ni Mama. Hindi rin naman nagsasalita si Attorney nang ibaba ka niya rito sa kuwarto ninyo. Ang bilin lang niya ay 'wag kang paalisin dito sa bahay hanggang wala siya."
Napahawak ako sa ulo ko nang manakit iyon. Unti-unti na
