Nang magising ako na nasa sahig pa rin ay balot na ako ng makapal na kumot ngunit wala pa rin akong damit na suot. Sinubukan kong gumalaw. Napangiwi ako sa sunod-sunod na kirot at hapding naramdaman ko sa buong katawan ko ngunit nagpasalamat ako sa Diyos nang makagalaw ako. Isa lang ang ibig sabihin niyon, buhay pa ako.
Napakislot ako sa kinalalagyan ko nang bumukas ang pinto at isang tauhan ni Attorney Samuel ang pumasok. May dala siyang tray na naglalaman ng pagkain at tubig.
"Kumain ka na raw sabi ni Attorney," hindi tumitinging sabi niya sa akin pagkatapos niyang ilapag sa tabi ko ang tray na dala niya.
Hinintay ko muna siyang makalabas bago ako pagapang na lumapit sa tray. Matitiis ko ang kirot at sakit ng katawan ko ngunit hindi ang gutom ko. Halos mapait na laway na ang nalalas
