Gulung-gulo ang isipan ko. Takot na takot ang nararamdaman ko. Kay Samuel. Kay Steven. Pareho ko silang kinatatakutan sa mga oras na ito. Isang maling salita o kaya ay isang maling hakbang lamang, ikapapahamak ko na sa kamay nilang dalawa.
Hindi ko akalain na maiipit ako sa ganitong sitwasyon. Ilang buwan pa lang ang nakakaraan, maayos naman ang buhay ko. Namumuhay ako na walang problema sa piling ng pamilya ko at ni Carla. Ngunit simula nang makilala ko si Attorney, namuhay na ako sa mundong puno ng takot at pangamba.
At si Steven. Imbes na siya ang makatulong ko, ang magsilbing lakas ko, at ang taong dadamay sa akin, siya pa yata ang maglalagay sa akin sa balag ng alanganin. Dumagdag pa siya sa mga pinoproblema ko. Dinagdagan pa niya ang sakit bf ulo ko.
Ano na ang gagawin ko ngayon?
