Tahimik lang si Samuel na nakatingin sa labas ng bintana ng sasakyan. Ako naman ay hindi mapakali sa kanyang tabi. Halata ko naman na badtrip siya sa nangyari sa resort. Alam ko ring naiinis siya sa ate ko. Ako man ay nakadama ng sobrang inis sa kapatid ko kanina.
Hindi ko maintindihan kung bakit siya nagkakaganon. Iniisip ko na lang na marahil ay naiinggit siya sa atensiyong ibinibigay sa akin ni Samuel. Naiinggit siya na kahit hindi ko hilingin ay ibinibigay sa akin ni Attorney. Bukod sa may itsura at appeal ito, maipluwensiya at mapera pa.
Alam ko rin naman kasing pangarap talaga ni Ate Kristine na magkaroon ng nobyo na mayaman, sikat, guwapo, at kinatatakutan sa aming lugar. Iyon ang palagi niyang sinasabi sa amin ni Ate Kathleen noon. At sa pananalita niya kanina, nakatagpo na siy
