Si Ate Kathleen pa lang ang nasa bahay nang dumating kami. Dapat kong ipagpasalamat iyon dahil tulog na tulog pa rin si Patrick habang buhat siya ni Valentin papasok sa bahay.
Makahulugang tingin ang ibinigay namin ni Ate sa isa't-isa bago namin tahimik na pinanuod ang pag-akyat ni Valentin sa hagdan upang ilagak si Patrick sa kuwarto. Hindi maikakaila na pareho kaming may kaba ng kapatid ko dahil anumang sandali ay darating na sina Attorney at Gob. Ayaw naming madamay sa gulo kung sakali man.
"Saan kayo galing? Bakit sumama ka sa kanila?" mahina ang boses na tanong ni Ate sa akin nang mawala na si Valentin sa aming mga paningin.
"Ate, pinuntahan namin si Steven," sagot ko sa kanya. Hapo na umupo ako sa sofa at kaagad namang sumunod si Ate sa akin.
"Anong nangyari sa pinuntahan ninyo,
