"Darcy, wake up."
Ang naglalambing na boses ni Samuel ang gumising sa aking diwa nang umagang iyon. Kahit na pikit na pikit pa ang mga mata ko ay napangiti ako. Sa kabila ng mga nakakasakit ng ulo at dibdib na pangyayari nitong mga nakalipas na mga araw, isa siya sa mga rason kung bakit ako napapangiti paminsan-minsan. Alam kong issue pa rin sa kanya ang tungkol kay Steven ngunit sa ginawa niyang paghalik ngayon sa noo ko, tila saglit niyang nakalimutan iyon.
"Daddy," maamo ang boses na balik-tawag ko sa kanya. Mas lalo pa akong nagsumiksik sa hubad niyang dibdib.
"Wake up, sleepy head. We're going out today." Kaagad akong nagmulat ng mga mata dahil sa sinabi niyang iyon. Napatitig ako sa kanya. I was looking for any sign na binibiro niya lang ako ngunit wala akong nakita kundi ang naka
