البارت 8
1209 Words
يذهب حسن مع فرحة لشراء متطلبات المنزل واحضار طعام الغذاء واذا بفرحة تصرخ عندما ترى البرتقال موضوع على احدى الارفف وتشاور عليه قائله بسعاده:
- ااااناه عصييييير(برتقال)
حسن متعجباً :
- مش فاهم يافرحة عايزة اية طب شاورى؟
تجرى فرحة لتأخذ برتقالة من الرف وتعطيها لحسن.
حسن يضحك:
- انتى بتحبى البرتقال؟
- عصييييير
حسن بفرحه يقول لها :
- حاضر حببتى هجبلك برتقال، واخلى هالة تعصره وتشربيه بالف هنا.
تفرح فرحة جدا وتعانقه وتعطية قبلة على وجنتيه .
حسن وهالة بحنانهما عليها وحبهما الزائد، جعلوا فرحة تتجاوب معهم وتكف عن البكاء، وتنسي مع الايام ذكرياتها مع ماضيها ولكن يبقى احساس واحد فقط بداخلها لا تعلم كيف تعبر عنه.
ويعود حسن مع فرحة بعد شراء كل شئ ليتستقبلهم هالة بابتسامة مردده :
- حمدلله على السلامة، اتأخرتوا ليه كل ده؟ انا قلقت عليكوا.
حسن يضع المشتروات على المنضده، ثم يقول :
- ولا اتاخرنا ولا حاجة يادوب اشترينا كل حاجة نحتاجها ورجعنا اتفضلى يا لولو خدى الحاجة وجهزى السفرة لحسن أنا عصافير بطنى بتصوص.
- حاضر اية ده ياحسن انت من امتى بتحب البرتقال وكمان بلدى؟ !
حسن ينظر لفرحه ويقول :
- لاء مش أنا، أنتى عارفة مش بحبه دى فرحة اللى أول ما شافتة فرحت وشاورت عليه باين عليها بتحبة اوى بعد الغداء تبقى تعصرية وتشربيها ياهالة.
هالة بحنيه تقول :
- مادام فروحتى اللى عايزاه عيونى ليها.
حسن ينظر لها ويقول بضيق :
- ياسلام راحت عليك خلاص عليك ياحسن يا ابو على، وفرحة اكلت الجو منك (ويمثل الزعل).
تضحك هالة وتقترب منه بحب وتقول :
- هو أنا أقدر ياسونة برضو، أنت الخير والبركة وعيونى وقلبى ليك ياحبيبي.
حسن بحب يقول :
- ااااه هى فيها سونة، لاء أنا مش حمل سونة دى، وانتى عارفة لما بتقوليها بيحصل اية؟ ويغمز لها ويضحك فلمى الدور احسن يالولو.
- خلاص خلاص هقوم احضر السفرة قبل الاكل ما يبرد.
ويتناولوا الغداء لكن فرحة رافضة الطعام وتحاول هالة معاها لكنها رافضة.
فرحة:فييييين العصيييير
هالة:بعد الاكل اشربية حببتى أنا عاملته بس ناكل الأول.
فرحة ببكاء : لللللاء.
- طب أنا هجيبة وناكل لقمة وتبلعى ماشى يافروحة.
فرحة:مااااشى
تاكل فرحة وتشرب عصيرها المفضل في فرح.
هالة تنظر لزوجها وتقول بجديه :
- على فكره عملت اتصالات باكتر من مكتب للعقارات عشان نشوف فيلا مناسبة بعيدة شوية ياحسن، وكمان عرفت مكان قريب من هنا مركز كبير للتعلم الكلام والتخاطب، وسألت عن استشارى مخصوص مصرى عشان يكلمها باللغة المصرية، وبكرة ان شاء الله هروح أنا وفرحة ويارب تتحسن وتتكلم افضل.
حسن بندهاش يقول :
- معقول كل ده عملتية في الشوية اللى غبتهم انتى مش بتضيعى وقت خالص ياهالة برافو عليكى.
هالة بثقه تقول :
- طبعا هو أنا شوية، بس أنت مش مقدر امكانياتى ياسونة، كله حاجة تمت وأنا في مكانى بالتليفون بس هحتاج أنك تكون معايا لو مكتب العقارات اتصل وعرض علينا الفيلا او الشقة على حسب ما هيلاقى أنت عايز اية؟
حسن ي**ت قليلا ثم يقول :
لو فيلا يكون أفضل عشان فروحة تجرى وتلعب اما لو شقة فيفضل تكون مساحتها كبيرة.
- على خيرة الله اللى ربنا يقسم بيه؛
- بكرة ان شاء الله هصحى بدرى اروح الشركة، واظبط الدنيا هناك واتابع الشغل وهكون بعدها تحت امرك ياستى في اى مشوار.
- ربنا يخليك لينا وميحرمناش منك ابدا يارب.
**************
ياسر: تعالى بسرعة ياسما ومعاكى البوستة.
سما:حاضر يافندم.
تذهب سما سكرتيرة حسن ومديرية مكتبة منذ سنوات، ومعها البوستة وملف صفقة الحديد والاسمنت وتطرق الباب فيأذن لها بالدخول.
سما:البوستة يا ياسر بيه.
ياسر بجديه يقول :
-حطيها عندك على المكتب، وهشوفها فين ملف صفقة الحديد والاسمنت
- اتفضل الورق كله جاهز، ومعاه ورقة تحديد الأسعار اللى هتقدمها حضرتك بكرة.
ياسر ينظر للدوسة بنظرة كلها جشع وطمع ويأمرها بالانصراف الان، ياسر يتحدث مع نفسه دى اول ض*بة ليا أنا لازم اتصل بالمنافس وابلغة على اسعارنا زى ما اتفقنا واخد المبلغ اللى وعدنى بيه ويضحك بانتصار وفي هذه اللحظة يرن تليفون مكتبة :
شخص مجهول: اية ياياسر، وعدتنى أنك هتكلمنى ومتصلتش ولا حتى عبرتى.
ياسر: اهلا بالباشا ازيك حبيبي والله كنت لسة هكلمك دلوقتى.
الشخص المجهول: بلا اهلا بلا سهلا أنت هتضحك عليا ولا اية، ولا تكنش رجعت في اتفاقك معايا لاء انسى ده أنت متعرفنيش ممكن اقلب التربيزة عليك، أنا عضمى ناشف اوووى.
ياسر:اهدى بس ياباشا عليا لا رجعت ولا حاجة، أنا بس لسة واخد الملف دلوقتى وفي ايدي اهو وكنت هكلمك عشان ابلغك أنه جاهز وتحضرلى المبلغ اللى اتفقنا عليه.
الشخص المجهول:امممم تمام ياياسر بالليل تيجى تقابلنى في نفس المكان وهكون محضرلك اللى اتفقنا عليه أنت عارف كلمتى زى السيف.
ياسر:اتفقنا ياباشا على الساعة 8 كدة هكون عندك مع السلامة.
الشخص المجهول:مع السلامة
ياخذ ياسر الملف بعد ما قام بامضاء البوستة واتصل بسما:
سما:افندم ياياسر بية
ياسر:أنا مضيت البوستة خديها، وأنا هقدم الملف بكرة بنفسي.
سما:حاضر يافندم.
تذهب سما إلى مكتبها وهى في حالة تعجب لماذا يذهب ياسر بنفسه ليقدم على الصفقة خصوصا إنها أول مرة؟ الطبيعي هى من تقوم بهذا الاجراء وتشك في شيئا ما ولا تبوح به لاحد لتنظر ماذا تخبى الايام.
ويمر الوقت والساعات حتى يأتى موعد ياسر مع الباشا فيذهب إليه في مكانة السرى.
-باشا ازىك عامل اية؟
- انت هتصاحبنى ولا اية؟ اخلص فين ورق أسعار المناقصة أنا معنديش وقت اضيعة معاك.
- براحة عليا شوية اتفضل الملف كله اهو تحت امرك.
الباشا يمسك الملف ليطلع عليه بتدقق
- انت لسة هتقرأه خده معاك، أنا صورته ومعايا الأصل هات أنت بس الفلوس واقراه بقى براحتك.
- ماشى ياياسر اتفضل المبلغ اللى اتفقنا عليه.
ياسر يمسك شنطة الفلوس بكل طمع وفرحة ويتركة وسط اوراقة.
الباشا:اخيرا ياحسن عرفت اخد منك صفقة ده أنت عذبنتى ياراجل مش عارف اشتغل بسببك مكوش على كل الصفقات ومش سايب حد فينا يشتغل، ولسة أنا مش هخليك تتهنى على صفقة بعد النهاردة ويا أنا يا أنت في السوق ياحسن.
يذهب ياسر إلى منزله ليجد وفاء تجلس أمام التلفاز لتشاهد مسلسلها المفضل، يلقي عليها السلام :
- مساء الخير ياوفاء.
وفاء تنطر له وتقول بحب :
- مساء النور يا ياسر.
ياسر مستائلا:
- اخبارك أية والعيال عاملين اية؟
وفاء ترد بهدوء :
- بخير الحمدلله ادهم لسة مخلص مذاكرتة، وملك بعد ما طلعت عينى من شقاوتها وجريها طول النهار تعبت ونامت
- معلش هى بس شقية شوية ربنا يهديها ويبارك فيهم يارب.
وفاء تنظر لما يمسكه بيده وتسأل :
- يارب اية الشنطة اللى فى ايدك دى؟
ياسر بارتباك وتوتر يقول :
- ابدا دى شنطة فيها اوراق للشغل جبتها معايا عشان عايزة تتراجع.
وفاء تقبض حاجبها وتقول بندهاش :
- اااه من أمتى وأنت بتجيب شغل في البيت يعنى ياياسر؟ عمرك ما خرجت ورقة من الشركة.
ياسر بضيق يقول :
- يووووه بقى ياوفاء مفهاش حاجة ملحقتش اخلصة، وكنت هتأخر قولت اخده اخلصة في البيت ماجرمتش يعنى.
وفاء تنظر له وتتعجب من غضبه، ثم تقول :
- طب خلاص اهدى الموضوع من مستاهل انفعالك ده كله، أنا استغربت بس ..يالا اقوم خد حمامك وغير هدومك عقبال ما احضرلك العشاء.
ياسر ينهض من مجلسه ويقول :
- لا خليكى أنا مش جعان، بس نفسي انام تعبان جدا.
وفاء بزعل ترد :
- هتنام بدرى كدة طب خليك شوية نقعد مع بعض نشوف فيلم حلو كدة، إحنا بقالنا كتير مسهرناش مع بعض
- معلش ياوفاء مش قادر خليها يوم تانى نسهر زى ما انتى عايزة، يالا تصبحى على خير.
- تصبح على خير ياياسر.
يتركها ياسر ويبدو عليها الزعل وياخذ حمامه وينام في سبات عميق.
وتانى يوم تستيقظ وفاء مبكرا لتجهز الطعام لصغارها وزوجها وبعد الانتهاء، تقوم بتحضير ملابسه لتكون جاهزة كعادتها لتتفاجأ بالشنطة مختبأه تحت ملابسه فتتعجب وتقرر فتح الشنطة لتعرف ما بداخلها واذا بها اول ما تفتحها تصرخ وتنادى يااااااسر يااااسر
- Writer
