ARYAN
Maaga palang nagising at bumaba ang kinakapatid ko kaya nakita niyang buhat ni Casper si Precy. Dahil ususera ang babaeng iyon ay nakuha agad nito ang curiosity ni Jamilla kaya sumunod siya kay Casper habang kausap ang dalawa sa mga tauhan ko.
Napabuntong-hininga na lang ako. Kahit kailan talaga, tsismosa ang babaeng ito.
Simula kanina ay hindi pa pala nagkakamalay si Precy. Ibig sabihin lamang nito ay hindi siya ang nagsumbong kay Jamilla kung 'di si Casper.
Isa rin palang madaldal ang gagong iyon. Mukhang kailangan ko ng palitan ang kanang kamay ko dahil wala sa akin ang kanyang loyalty.
“Good morning, boss.”
Bumaling ang tingin ko sa pumasok na doktor. “Heto po ang findings at result ng lab test na ginawa ko kay Miss Precy.”
Kinuha ko ang papel na inabot sa akin ng kahara
