PRECY
Nang maglaon ay nagsawa na rin akong manood ng bagong palabas, kaya tumayo na ako para maligo. Ang bigat kasi ng pakiramdam ko sa katawan ko dahil bukod sa napuyat ako ng dahil kay Aryan magdamag ay nararamdaman ko ang pananakit ng kalamnan ko.
Dahil wala naman akong gagawin ay minabuti kong mahiga muna. Nakita kong busy si Aryan sa kanyang ginagawa. May nakakabit na earpiece sa kanyang tenga habang kausap ang isa sa kanyang mga tauhan, pero hindi na ako nag-abalang makinig dahil alam kong tungkol ito sa isa sa kanyang mga negosyo.
Para akong inaakit ng higaan na mahiga sa kama. Namimigat ang mga mata ko at mabigat rin ang pakiramdam ko sa katawan ko kahit bagong ligo ako.
Agad na inabot ko ang makapal na kumot at binalot ang sarili ko. Wala naman kasi akong gagawin dito sa loob
