Episode 29?
Dominic `Dona’ Nambria’s POV
“Ingat sa pagpasok, Nambria. Sunduin kita mamayang uwian niyo,” sambit ni Paul.
“Okay, kita kits na lang mamaya,” sagot ko at bumaba na ng kotse niya at naglakad papasok sa Makati University.
Ilang buwan na rin at balik na ulit ako sa Makati University. Halos lahat ng mga nakakasabayan kong maglakad at napapatingin sa akin. Malamang sariwa pa rin sa kanila ang isyu tungkol sa pagkakakulong ni David ng dahil sa akin.
Well kasalanan naman ‘yun ni David kung bakit siya nakulong. Dapat kasi nag-iisip muna siya ng kalalabasan ng gagawin niya bago niya gawin.
“Cyrine!” tawag ko sa naglalakad sa harapan ko.
Alam kong si Cyrine ‘yun dahil sa kulay ng buhok niyang palaging agaw pansin sa lahat pati na rin ang maputing kulay niya na parang isang gatas.
