ANG ARAW ng laban sa pagitan ng Lalud White Sharks at Canubing Panthers ay dumating na. Sa labas pa lamang ng venue ay kapansin-pansin nang mas marami ang sasakyan kumpara sa huling laro nina Ricky. Maraming mga private vehicles ang makikita at mas dumami rin ang mga motor sa lugar na iyon.
Wala pa man ang dalawang koponan sa loob ay maririnig na kaagad ang ingay na magmumula roon. Sa pagpasok sa venue ay makikita kaagad ang pangingibabaw ng mga naka-puti kumpara sa halos ¼ lang na bilang ng mga nakaitim. May mga cheerers din ang White Sharks sa loob ng court, at may mga supporters din silang may mga dalang tambol na malalaki.
“Finals atmosphere?” mahinang tanong ni Mover sa kanyang sarili. Nakaupo siya sa lower part ng lugar at malapit siya sa bench ng Lalud. Nakasuot siya ng shad
