“Ang bilis talaga ni Kuya Baron. Hindi ako nito basta-basta papupuntusin,” wika ni Ricky sa sarili at sa paglapag nila sa sahig ay mabilis nilang nilingon ang bola. Dito ay nagbungguan ang kanilang mga katawan at nagpaunahan sila sa pagkuha sa bilog na bagay na iyon.
“Akin ang bola!” bulalas ni Baron at napangiwi si Ricky nang mawalan ito ng balanse dahil sa lakas niya.
Pagkakuha ni Baron sa bola ay napatingin siya kay Ricky na kasalukuyang nakaupo sa gilid niya. Nginisian niya ito at mabilis na pinatalbog ang bola. “Mahina talaga.”
Si Ricky ay mabilis na bumangon upang habulin si Baron, ngunit huli na siya. Bumitaw ng isang malayong jumper ang kanyang kuya at sinulyapan pa siya nito bago tuluyang pumasok sa basket ang bola.
“Ano? Kaya mo pa Mendez?” tanong ni Baron na ikin
