Buong gabi akong ginulo ng mga sinabi sa'kin ni Trey kaya hindi agad ako nakatulog pero maaga pa rin akong nagising.
Himala rin na sa kabila nang kakulangan ng tulog ay magaan ang pakiramdam ko pagkagising. Gumayak agad ako para sa magaganap na groundbreaking ceremony. Pagkatapos kong mag-ayos ay tama namang tumawag si Lecia upang ipaalam na nakalapag na ang sinasakyan ng mga engineer na hahawak sa project.
Dadalo ang mga ito sa groundbreaking ceremony. Tinawagan ko muna si Bianca upang i-check kong nasa ayos na ba ang lahat. Matapos makumpirma ay tsaka pa ako tumawag sa front desk upang magpahanda nang masasakyan papunta sa pagdadausan ng ceremony.
Pagkababa ko ng lobby ng hotel ay naghihintay na sa'kin ang pinatawag kong service. Halos magkasunod lang kami ni Lecia.
"Morning," mas
