MABILIS kong ikiniling ang aking ulo upang hindi matamaan nang pagsaksak nito sa aking noo. Ngunit kitang-kita ko ang gulat ng babae dahil sa kutsilyong basta ko na lang ibinaon sa dibdib nito. Mayamaya pa’y unti-unti nang umuusok ang katawan nito. Mabilis akong umalis sa aking pwesto para lapitan ang kawawang binatilyo na hanggang ngayon ay nakahandusay pa rin sa lupa.
Tiniis ko ang sugat sa aking kamay at sakit sa buong katawan ko. Agad kong pinulsuhan ang kawawang binatilyo. Naramdaman kong may hininga pa ito. Kaya naman dali-dali kong inilagay sa bibig nito ang dala-dala kong gamot upang kahit papaano ay lumakas ito. Mayamaya pa’y medyo gumalaw ito at nagkaroon na nang malay.
“Kaya mo bang tumayo?” tanong ko sa binatilyo. Marahan itong tumango sa akin. Pagkatapos ay agad ko itong i
