Tumingin ako sa lalaki at nakita kong umiwas ito ng tingin sa akin. Pasimple akong umismid. Walang salita na pinaghain ko na lang ang aking sarili. Hindi na lamang ako tumingin sa mga taong kasama ko rito sa hapagkainan. Aba! Baka ako pa ang pag-initan nila.
Nang matapos akong kumain ay wala naman sa aking pumuna, sapagkat ang pinag-uusapan nila ang tungkol sa negosyo nilang itatayo. Maingat akong tumayo at magalang na nagpaalam sa kanila. Hindi ko na hinintay na sumagot sila at tuloy-tuloy na akong umalis dito sa hapagkainan. Sa aking kwarto ako unang pumunta at pabagsak akong nahiga sa kama. Busangot din ang aking mukha.
Mayamaya lang ay binalot na ako ng antok at tuluyang na akong nakatulog. Kinuha ko pa nga ang unan upang ito ay yapusin. Dahil din sa sobrang pagod ko kaya mabilis la
