“Sinabi ko naman sayo na hindi muna ako kailangan ihatid,” wika ko kay Blue. Nakatayo kami sa labas ng dorm. Sumabay siya sa akin sa pag-uwi at inihatid pa ako.
“Gusto ko kaya wala kang magagawa,” nangingiting sabi ni Blue saka ngumisi.
Napailing-iling na lamang ako ng mabagal. Umiwas nang tingin sa kanya at tumingin sa kalangitan. Napangiti ako.
“Ang ganda,” wala sa sariling sabi ko. Madilim ang gabi kaya kitang-kita ang pagkislap ng napakaraming bituin.
“Oo nga.” Narinig kong sabi ni Blue.
Tumingin ako kay Blue. Nakatingin siya sa kalangitan.
“Alam mo ba na gustong-gusto ko na tumitingin sa mga bituin?” tanong ni Blue nang hindi nakatingin sa akin.
“Bakit naman?” nagtatakang tanong ko. Paano ko naman malalaman iyon e hindi naman niya sinasabi sa akin.
Tumingin sa akin si Blue. Mu
