Nasa mall kami ni Blue. Sabay kaming naglalakad habang tumitingin sa paligid. Hindi ganun karami ang tao marahil ay dahil nasa kalagitnaan pa lang ng linggo at abala pa ang mga tao kaya wala pang oras para mamasyal.
Tumingin ako kay Blue. As usual, pinagtitinginan na naman siya ng mga tao lalo na ng mga babae at binabaeng nalalagpasan namin. Siya naman, parang wala lang sa kanya at nakatingin lamang sa dinaraanan niya. Nakapamulsa ang dalawa niyang kamay at parang modelong naglalakad sa runway.
“Maraming bilihan ng gitara dito. Saan ba tayo magsisimula?” tanong ko.
Tumingin sa akin si Blue.
“May alam ako. Magaganda ang gitara doon saka medyo mababa ang presyo kumpara sa iba,” sabi niya na ikinatango-tango ko.
“Mabuti na lang at nandyan ka,” mabilis na sabi ko. Huli na para bawiin ko a
