“Sige at mauna na kami sa inyo,” pagpapaalam ni Rocky nang lumapit siya sa amin ni Blue. Parehas kaming nakaupo sa mahabang upuan na gawa sa kahoy dito sa practice room.
Tumingin ako kay Rocky. Gayundin si Blue.
“Yeah,” maikling sagot lamang ni Blue.
Napangiti naman ako saka tumango-tango.
“Pagbutihin mo ang practice,” sabi sa akin ni Rocky.
Tumango-tango ako.
“Bye lovebirds,” nang-aasar na sabi ni Patrick na lumapit din sa amin.
“Shut up!” madiin na sabi ni Blue kay Patrick pero tinawanan lang siya nito.
“Tara na! Mang-aasar ka pa, e,” pag-aaya na ni Rocky kay Patrick.
“Oo na,” sabi ni Patrick. Tumingin siya sa akin. “Do your best,” sabi pa nito saka kumindat.
Napangiti ako sa sinabi ni Patrick.
Matapos magpaalam nila Rocky at Patrick kasama ng mga tinuturuan nila ay umalis na
