Magkakatabi kaming nakaupo nila Jared at Mark sa bench na nasa gilid ng quadrangle. Hindi ko sana sila kasama ngayon dahil ayokong matanong nila pero dahil mga dakilang tsismoso rin ang mga ito ayun at hindi ako pinatakas sa kanilang mga kamay.
Nakatingin lamang ako sa malawak na quadrangle. Ramdam kong parehas silang nakatingin sa akin at nanunuri ang mga ito.
“Ano? Hindi ka ba magkwekwento sa amin?” pagtatanong ni Jared na tila isa siyang imbestigador.
“Ano bang ikwe-kwento ko sa inyo?” balik-tanong ko. Kunwari wala akong alam.
“Sus! Patay malisya pa ito!” sabat ni Mark.
“Paano naging kayo ni Blue?” tanong muli ni Jared.
“Oo nga. Saka gaano na kayo katagal?” tanong naman ni Mark.
“Kaya ba sumali ka sa banda nila para magkasama kayo?” sunod na tanong pa ni Jared. “Para magawa niyon
