Hindi maalis ang ngiti sa labi ni Maro habang inilalagay niya sa mesa ang mga pagkaing inihanda niya para sa almusal. Pakiramdam ni Maro, biglang nawala ang lahat nang nararamdaman niyang sakit nang alagaan siya ni Neo kagabi.
Iba talaga ang nagagawa ng mga ginagawa ni Neo para kay Maro dahil napapaligaya niya ito.
Huling inilapag ni Maro sa mesa ang mangkok ng niluto niyang tinolang manok. Kaagad rin siyang napatingin sa bukana ng kusina at nakita si Neo na biglang dumating.
Seryoso ang mukha ni Neo habang nakatingin kay Maro. Magulo ang ayos ng buhok nito at gusot-gusot ang suot na damit na hindi nito napalitan kagabi pero para kay Maro, napakagwapo pa rin ni Neo sa kanyang paningin kahit ganito ang ayos nito.
“Anong ginagawa mo?” seryosong tanong ni Neo.
Napangiti si Maro. Tiningna
