Tahimik lang ako na nakaupo dito sa dulo ng bus habang nasa labas lang ng bintana ang tingin ko. Gusto sana nina Lovely na magtabi kaming tatlo ni Matt sa upuan pero sinabi ko na gusto kong mapag-isa at mukhang naintindihan naman nila yun.
Pabalik na kami ngayon sa Manila dahil tapos na ang 2 days na team building namin. Sa Miyerkules na ang balik namin kasi rest time namin bukas.
Napatingin ako sa kotse na biglang dumaan na mabilis ang takbo kaya nauuna na siya dito sa bus na sinasakyan namin. Kay Castiel yun.
Hindi ako sumabay sa kanya dahil hindi din naman niya ako pinasabay, at kahit pasakayin niya pa ako sa kotse niya ay tatanggi ako dahil ayokong mas madagdagan lang ang sama ng loob na nararamdaman ko.
Bigla ko na namang naalala yung mga salitang binitiwan niya sa akin kahapo
