Miguri’s Point of view
“Halos baliktarin ko na ang lahat ng gamit ngunit bigo pa rin ako na mahanap ang kwintas na ibinigay sa akin ni Smith. Kagat ang isang daliri ko habang hindi mapakali na nagparoôt-parito sa loob ng kwarto. Hindi ko kasi maalala kung saan ko ito inilagay, wala rin akong natatandaan na hinubad ko ito kagabi kaya napaka-imposible na basta na lang ito mawala.
Marahas na hinawi ko ang luha sa aking pisngi bago muling hinanap ang kwintas. Hindi pwedeng mawala ang kwintas na ‘yun dahil ito ang unang regalo na natanggap ko mula kay Smith. Bukod sa mga magagandang ala-ala na mayroon ang kwintas na ‘yun at nagkakahalaga rin iyon ng halos dalawang milyon. Patuloy lang ako sa paghahanap habang umiiyak, dahil pakiramdam ko ay kalahati ng buhay ko ang mawawala sa oras na tuluya
