Kinabukasan, nagising si David dahil sa sakit ng kaniyang ulo. Dahan-dahan siyang bumabangon habang nilalabanan ito. Parang nabibiyak sa dalawa ang kaniyang ulo at nanunuyo ang kaniyang lalamunan.
Pakiramdam niya ay nangyari na sa kaniya ang ganitong pakiramdam. Mayamaya lang ay lumapit sa kaniya si Enver at saka in-abutan siya ng tubig at advil.
"Oh, take this medicine, bro," sabi ni Enver sa kaibigan sabay upo sa gilid ng kama nito.
Tinanggap ni David ang binigay ni Enver at saka in-inom ito.
"Thanks," sabi ni David kay Enver habang hinihimas ang kaniyang sentido.
"Ano? Kumusta na ang pakiramdam mo? Nagising ka na ba sa katotohanan?" Nakangising tanong ni Enver sa kaibigan. Napatingin si David kay Enver at nagtaka ito kung bakit nakangisi ang kaibigan.
"What's wrong with you?" Kuno
