Sobrang saya ng araw ko ngayon. Sinong mag-aakala na babalik ang mga naging kaibigan ko noong high school? Kumpleto pa kami at walang alitan o inggit sa isa't isa.
Hindi ko na sila nagawang ihatid sa labas dahil hindi pwedeng may makakita sa akin. Lalabas lang ako kapag nakapag-make up na ako.
"So Klej, kamusta naman ang pagkikita ninyo ni Trevis?" natatawang tanong ni Chantal.
Napairap ako sa kaniya. Alam ko namang sinadya nila ni Seb na magkaroon kami ng simpleng reunion para makita ko ulit ang dati kong gusto.
"Bakit naman biglaan? Mas nauna pa kayong nakaalam na balak niyang makipag-partner sa kumpanya," pagtatampo ko.
"Surprise nga e," ika ni Chantal. "Kung hindi lang ikaw ang type ni Trevis, baka ako na lang ang lalandi sa kaniya. Grabe sa sipag at pagpupursigido niya sa comp
