Ito na naman ako, medyo kinakabahan para sa meeting naman na naka-schedule ngayon sa SEMIR company.
Ang bilis talaga ng araw ngayon, hindi ko akalain na makikita ko na naman ang mga Lixzin. Dapat nga ako ang taas noo kapag nakita nila. Mali lahat ang mga hinala nila sa akin. Nagmukha akong masama dahil sa mga paratang nila.
"Ma'am Klej, nasa labas na raw po si Sir Seb. Hindi na raw po siya papasok at baka ma-late pa po," ulat ni Manang.
"Sige po, susunod na po ako palabas," sagot ko.
Dumiretso na agad ako sa labas para hindi mainip si Seb. Kanina pa naman ako gising at nakahanda.
Nakita ko agad siya na nakangisi sa akin kaya napairap agad ako. Alam ko namang aasarin niya ako dahil makikita namin si Cleyeol. Nakahanda naman na ang sarili ko sa meeting na mangyayari.
"Naku, iyang m
