"Bro umuwi na tayo, tang-ina nagmumukha na tayong stalker nito." Galit na ani ni Hanz sa akin.
"Bro, nandiyan sa loob si Jacob, ano'ng ginagawa ng tarantadong 'yon sa apartment nila?" Galit kong ani dito at nagpupuyos ang kalooban ko sa galit sa gagong Jacob na 'yon.
"Natural, magkaibigan sila, wala naman sigurong masama kung bisitahin niya 'yan, ikaw ba, ano ba ang ginagawa natin dito? Magkaibigan ba kayo ni Tanya? Umalis na tayo at hinihintay na nila tayo sa bar." Tugon naman ni Hanz at alam kong naiinis na ito dahil tatlumpong minuto na kaming nakamasid lamang sa bahay nila Tanya. Napatingin akong muli sa aking telepono at wala naman akong natatanggap na reply kaya napabuntong-hininga na lamang ako at pinaandar ko na din ang aking sasakyan.
Tama siya, ano nga ba ang ginagawa ko dito
