Tanya's POV
Kinabukasan nga ay maaga akong nagising at nagluto ng almusal at pagkatapos naming kumain ng agahan ay naligo na agad ako at nagbihis para kapag dumating na si Michelle ay aalis na lamang kami.
"Anak saan ba ang lakad n'yo ni Michelle at napaka-aga n'yo naman yatang aalis ha?" Tanong ng aking ina.
"Nay mamamasyal lamang po kami ni bestie." Ani ko sa kaniya at tinanguan naman n'ya ako at pinapag-ingat.
Gustong sumama ng aking kapatid ngunit nahihiya naman ako sa aking kaibigan kaya pinangakuan ko na lamang siya na mag-uuwi na lang ako ng paborito niyang pagkain.
Hindi nagtagal ay busina ng sasakyan ni Michelle ang naulinigan namin sa labas kaya agad na kinuha ko ang pouch ko at mabilis na lumabas ng pinto at sinalubong ko na agad ito.
"Boyet, lock mo ang pinto at ang
