Shynelle
BAGO SUMAPIT ang tanghali ay dumating ang isang helicopter na magdadala daw sa amin sa resort na gustong puntahan ni Chase. Lumapag ito sa rooftop nitong bahay niya.
Mga gamit na lang ni Chase ang inayos niya dahil okay naman na ang mga gamit namin ni Sunnie sa mga maleta namin. Nakabihis na rin kami. Kanina pa excited ang anak namin. Naiinip na siya sa bagal kumilos ng ama niya.
"Dalian mo na, Daddy! Bagal-bagal mo naman, eh."
"Wait, baby. Are you excited?"
"Gusto ko na sumakay sa helicopter."
"Makakasakay din naman tayo. Magbibihis na lang si Daddy." Muling pumasok sa loob ng walk-in closet si Chase. Sumunod namang muli sa kanya si Sunnie na kanina pa bihis na bihis. Nakasuot pa siya ng bunny shoulder bag.
Nag-vacuum naman muna ako ng sahig dito sa silid namin dahil sa m
