MEG
Nagising si Marvin kinaumagahan na nasa sahig. Walang imik itong bumangon habang lukot ang mukha na tila nag-iisip kung anong nangyari sa kan'ya kagabi.
Tulad ng dati nakasunod ako ng bumaba siyang magulo ang buhok at tila wala sa sarili.
"Mabuti naman at gising ka na Marvin," sabi ni Yaya Bering.
Tahimik na naupo lamang kasi ito sa sofa at walang kinausap kahit isa sa mga kasambahay na bumati dito.
"D'yan ka lang muna, ipaghanda kita ng kape para bumuti ang pakiramdam mo."
"Nana, alam mo po ba kung anong nangyari kagabi?" tanong ni Marvin dito.
"Lasing ka kagabi, uminom ka kaya wala ka sa sarili na sinuntok mo si Pablo, ang isa sa mga security guard natin dito," mahinahon na sabi ni Yaya Bering.
"Hindi po ako uminom kagabi," naguguluhan na sagot ni Marvin na iisa ang linya ng
