Tutulungan ko pa sana si ate Jane sa pagdadala ng mga natitirang questionnaires papunta ng faculty office nang bigla akong tinawag ni Edward. Naglalakad itong papalapit sa kinaroroonan namin ni ate. Dala nito ang answer sheet niya. Binigay niya ito sa akin pagkarating niya sa pwesto namin ni ate sa pag-aakalang ako ang nangungolekta ng mga ito. Tiningnan ko muna ang sagot niya lalong-lalo na doon sa item ng problem na nahirapan siya upang malaman ko kung pareho kami ng sagot bago ko ito ibinigay kay ate Jane.
“Tara na? Para wala na akong utang sa ‘yo,” tila napipilitan niyang paanyaya. Nagbago ang facial expression niya na para bang may naalala. “Teka lang pala. Aayusin ko muna ang mga gamit ko.” Nagmadali siyang bumalik sa kanyang upuan at inayos sa loob ng kulay khaki niyang sling ba
