Nakipagtagisan ako ng pagtitig sa ceiling habang tuwid akong nakahiga sa kama. Nasa tiyan ang mga kamay ko. Magkapatong ito sa isa’t-isa. Kanina pa akong ganito simula nang makapag-ayos na ako para matulog. I can’t sleep. Gusto ko nang matulog ngunit dilat na dilat pa ang utak ko. It’s fully awake for no reason. O baka ito ang sinasabi ng mga tao na huwag kumain ng marami para makatulog ka kaagad?
Nasa gilid ng aking ulo ang phone ko. Nakabukas ito’t nagre-reflect sa ceiling ang ilaw na nagmumula sa screen nito. Hinayaan ko lang din itong nakakunekta sa internet in case na magyaya ang mga ugok na maglaro na naman. Hindi tulad noong nakaraan, noong kakalabas pa lamang ng results ay binabaha ako ng notifications ng messenger at f*******:. Ngayon ay halos wala nang nagme-message sa akin
