Walang sumagot kay Ethan dahil na rin sa mukhang nakaramdam ang mga kasamahan namin. Wala na lamang umimik kahit nagtatanong siya paulit-ulit. Yung pamangkin naman niya na si Amanda ay hindi umalis sa tabi ko hanggang sa nakatulog na sa dibdib ko yung bata. Kukunin sana ni Ethan kanina habang nasa bangka kami pero di ko pinayagan kasi baka magising yung bata. Naghahanap siguro ito ng motherly love kaya ganoon.
Nakarating kami sa tagong Isla ng Matutubo sa San Vicente, Palawan. Bumaba ang mga kasamahan ko sa bangka nagpahuli na ako dahil may karga-karga pa akong bata.
"Mamsh, akin na siya" alok ni Theo para kunin si Amanda pero naunahan siya ni Ethan na nasa harapan ko na para kunin ang pamangkin niya.
"Let me have her" hindi na ako nakapalag dahil kinuha niya si Amanda mula sa mg
