"Mabuti pa nga anak at nang hindi sila gabihin. Baka hinahanap na rin sila ng kani-kanilang mga magulang," segunda ni Lourdes na kinakitaan ng pagkabahala. Bakas sa tinig nito ang pag-aalala para sa dalawa.
Iniabot ng babae ang isang basong tubig para kay Clark.
Magiliw naman na tinanggap iyon ng kaibigan at nagpasalamat.
Si Rafael pagkatapos tumango sa ina ay muling tumungo sa likod bahay.
Pagbalik ay may dala na itong ilang pirasong mga kahoy na maaaring gamitin.
Muling nagpasalamat sila Rada at Clark kay Aling Lourdes sa mainit nitong pagtanggap sa kanila.
Bago nag-paalam na rin.
Pinayuhan naman sila ng babae na mag-iingat sa kanilang pag-uwi.
Pagkatapos nilang magpaalam ay sumunod na rin sila kay Rafael na nagpatiuna nang naglakad palabas ng bakuran.
Habang abala sa ginaga
