"Kung ganoon ay anak ka ni Clara," marahan subalit siguradong sambit ni Lourdes.
Tila naman na-supresa si Rada pagkarinig sa pangalan ng Ina. Sumilip ang kislap sa mga mata nitong namilog.
"Kilala niyo po si mommy?" balik-tanong nito, na may kaakibat na ngiti sa labi.
Isang alanganing ngiti ang ginawa ni Lourdes bago sumagot.
"Wala namang hindi nakakakilala kay Clara, ang ibig kong sabihin ay sa Senyora" biglang bawi nito na dagling umilap ang mata.
Hindi naman iyon napansin ni Rada na higit na lumalim ang pagkaka-ngiti. Gumaan ang loob nito at mas naging palagay sa presensiya ng babae.
"Maiba ako Ineng, maaari ba naming malaman kung saan ang iyong tungo? Batid ba ng iyong mga magulang ang paglabas mo ng hacienda?" Katulad kanina ay ang magkasunod na tanong ni Lourdes, ramdam an
