“Reece...Cayden...Bumangon ka na...Tara na sa kwarto.” Balik sa kasalukuyan, sinubukang gisingin ni Jackie ang lalaking nakahandusay pa rin sa sahig. Mag-isa na lamang ito dahil si Oz ay bumangong kusa pagkakita kay Fiona. Para itong biglang nawalan ng tama pagkakita sa babaeng magkasalubong ang kilay at nakatikom ang kamao. Walang sabi-sabing umalis ang dalawa pagkaakbay ni Oz at pag-angkla naman ng braso ni Fiona sa lalaki. Saka na lamang niya tatanungin ang dalawa kung anong mayroon kapag naayos na niya ang lalaki sa kanyang harapan.
“Please...don’t leave me, Jack...ayat ko...” Nang magtama muli ang mga mata nila, ngumisi si Cayden at saka bumaling sa tabi niya. Mukhang hindi nito napansin na mag-isa na lamang siyang nakahiga sa may gilid ng billiard table. Napairap siya sa pa
