“Bro, may iba bang kamag-anak ba si Jackie rito?” Pasigaw na tanong ni Malik. Nauuna na itong maglakad papunta sa kabilang bahay at nasa may tarangkahan na ng bahay sa kabila kung nasaan sina Jackie, Debbie, Fiona at Dara. Ilang hakbang na ang pagitan nila dahil nahuli silang lumabas ni Oz at Dash sa mansyon ng mga Weber.
“Ha? Mga pinsan niya pero malayo rito ang bahay nila. Wala ring nakakaalam na nandito kami. Bakit?”
“May pumasok kasi sa kabilang bahay. Babae na may dalang bata.” Nang marinig iyon ni Cayden ay para siyang binuhusan ng malamig na tubig. Kung tama ang hinala niya, hindi maganda ang kalalabasan ng araw na iyon. Kailangan niya itong maagapan!
“s**t!” Patakbo niyang tinawid ang kalsada at dali-daling pumasok sa nakabukas pang gate. Pagpasok niya ng bahay
