KUNG hindi pa siya umalis ay baka tumalo na ang luha niya habang kaharap niya si Jonathan at ang girlfriend nito. Parang may sumabog na kung anuman sa kanyang puso dahil sa narinig. Ramdam niyang namuong luha sa mga mata niya pero pinigil niyang bumagsak ang mga iyon. Ayaw niyang maging katawa-tawa sa harapan ng mga ito. Mabuti na lamang at nakisama naman ang mga luha niya dahil bumagsak lamang iyon ng makalayo siya sa dalawa.
Hindi niya mapigilang matawa sa sinabi ng girlfriend nito na magiging ama na si Jonathan. Ang hindi nito alam ay matagal ng ama ang boyfriend nito at hindi lang nito alam. Gusto niyang ipamukha iyon sa dalawa pero hindi niya magawa.
Sa pagmamadali niyang umalis sa lugar na iyon ay nakalimutan niyang magbayad. Baka kasi kapag magtagal pa siya sa restaurant na yun a
