BAGAMAT nagtataka na nagbago ang asawa sa kanya ay hindi niya na lamang iyon pinapansin. Ayaw niyang isipin na alam na ni Jonas ang kanyang mga ginagawa. Ang isa niya pang ipinagtataka ay palagi na itong nasa bahay. Bihira na lamang ito kung umalis ng bahay.
"Ang ama mo?" tanong niya kay Jonathan ng maabutan niya ito sa sala na may kausap sa cellphone.
"May pupuntahan daw po," sagot ni Jonathan na bahagyang ibinaba ang cellphone. Sa tuwing na nakikita niya ito ay lalo lamang siyang nanggigigil lalo na kapag naaalala niyang sinaktan nito ang anak niyang si Nikko.
"Hindi ba nagbilin kung saan pupunta?"
"Hindi po."
"Wala ka na bang isasagot kung hindi po at hindi mo alam? Wala ka talagang kwentang kausap!" bulyaw niya rito kaya napakamot na lamang ito sa ulo. "Ang Eunice na naman 'yan an
