HINDI MAPIGILANG hindi mamangha ni Eunice sa mga gamit na binili ng nobyo sa kanya at sa mga magulang. Kahit pa siguro magkanda kuba silang pamilya sa pagtratrabaho sa bukid ay hindi nila mabibili ang mga binili ng nobyo para sa kanila. Ramdam niya na mahal na mahal siya ng kasintahan. Para sa kanya ay hindi naman kailangang mayaman ang dapat na mahalin ang importante mahal ninyo ang isat-isa. Magkatabi lang halos ang silid nilang dalawa ng nobyo. Pinagmasdan niya ang silid na pinagamit sa kanya ng papa nito. Napakaganda ng kwarto, malakas ang aircon at higit sa lahat ay napakalambot ng kama na kahit minsan ay hindi pa niya naranasang higaan. Ignorante na kung ignorante pero nasanay siyang banig ang madalas na higaan.
“Sana nandito si Nanay at Tatay para maranasan man lang nila ang narara
