Nilakad ni Donya Adelina ang lubak-lubak na kalsada at agad siyang napahinto at nilibot ang tingin. Ito na yata ang bayan ng Santa Catalina. Tahimik, at halos mga puno ang nakikita niya at iilang kabahayan na gawa sa kawayan at pawid naman ang bubong. Halatang hirap sa buhay ang mga tao rito. Sampong taon na kasi ang nakalipas mula nang makarating siya sa Isla na ito.
“Donya, bakit ho kayo bumaba ng sasakyan?” Pag-aalala sa kanya ni Mang Carding ang dating driver ng asawa niya ng matanda na kung kaya’t hindi na ito makahawak ng manibela.
“Ayos lang ako, Carding. Sinadya ko talagang maglakad-lakad para na rin makita ko ang bahay mo. Bueno, nariyan ba si Gessa?”
“Narito ho, donya Adelina, pasok ho kayo.”
Kinuha pa ni Mang Carding ang isang malinis na damit at pinunas sa upuan na kawa
