SAMANTALA, nakahanda na si Gessa para sa eskwela. Marami siyang habilin kay Bunoy na siyang nag-aalaga sa lolo Carding niya. Nagpaalam rin siya sa Lolo niya pero hindi ito kumibo at nanatili lang nakahiga. Hinawakan niya ang pulsohan nito at nahimasmasan siya. Minsan talaga hindi niya maiwasan kabahan katulad ngayon kinakausap niya ito pero walang pagtugon mula sa lolo niya. Hinalikan niya ang lolo niya sa noo nito. Ganito niya ito kamahal higit pa sa kanyang buhay.
“Bunoy, ikaw na ang bahala kay Lolo. Tawagan mo agad ako kung may problema, huh?” habilin niya sa kababata.
“Oo. Ako ang bahala kay Mang Carding at mayroon naman tayong backup.” Sagot ni Bunoy na ang tinutukoy ay ang mga taohan.
“Morning.”
Napalingon siya sa pinto at ang guwapong si Emman na nakabihis na rin. Nagtaka si
