“Hija, nakahanda na pala ang lahat. Nabawi ko na ang lupa ninyo. May connection kasi kami hija kaya napapadali na lamang ang mga bagay-bagay. Ito pala hija, tingnan mo.” Kinuha ni Adelina ang brown envelop na nilagay nito sa sofa at inabot sa kanya. Binuksan niya iyon at naroon nga ang copy ng titulo ng lupa nila. Kasunod ay lilibuhing pera na nakasobre rin. Tumango-tango si Gessa at agad siyang pumayag dahil ang makitang nabawi na nila ang lupa ay napakasaya para sa lolo niyang gabi-gabing pinoproblema kung paano makukuha ang lupa. Pumasok siya sa kuwarto nila at nilagay niya sa bag na ang pera habang ang titulo ay tinago niya magkatabi ang bag sa cabinet. Naluha siya habang pinagmamasdan ang lolo Carding niya na nakanganga habang natutulog. Paggising nito ay ibabalita niya agad ang tungk
