“Puwede ba tayong mag-usap?”
“Sige.” Sagot ko. Sa halip na papasok siya sa loob ay dito na lang kami sa may hardin. May lamesa at apat na upuan dito dahil dito madalas tumatambay noon si don Wilson lalo na sa gabi. Maliwanag naman ang buwan kaya kahit hindi na kami mag-ilaw ay aninag namin ang isa’t isa.
“Salamat Greg… maraming salamat at pinakilala mo pa rin ako kay Jillian sa kabila ng lahat. Nakokonsensya ako noon kasi pinapili ako ni Mommy mo pero pinili ko pa rin ang pera. Hindi ko nga akalain na magiging madali ang lahat.” Mula sa aking puso ay senseridad ang sinabi ko. Talagang nawala na lang bigla ang poot ko sa kanya marahil ay dahil namulat ako sa sinabi sa akin ni Emman na wala akong dapat ikagalit kay Greg sapagkat ako itong tanga na umiibig sa kanya noon kahit alam ko na s
