Chapter Six
Nasa labas na kami ng palengke. Naghihintay ng masasakyan. Dahil medyo umulan ay wala tuloy sila sa pwesto nila. May baha nga agad. Pero dahil naghihintay kami ng sasakyan ay mas pinili naming pumwesto sa gilid ng kalsada.
Maraming sasakyan ang mabilis pa rin ang takbo kahit na may baha.
Nang mapansin ko ang isang kulay itim na sasakyang mamahalin na mabilis ang takbo ay agad kong ipinuwesto si Chi-Chi sa harap at nang kailangan iangat ay iniangat ko.
"Ate!" reklamo nito. Hindi ko ito iniangat para protektahan, ginamit ko itong proteksyon.
Ipinangharang ko ang bata. Basang-basa tuloy ito.
Si Aling Barang ay tatawa-tawang inalo ang anak na umiyak. Yumakap pa si Chi-Chi rito na parang basang sisiw.
"Basa na ako, 'nay." Nagwawala na ito sa sobrang sama ng loob. Nang tumingi
